Como vien siendo un prestosu vezu n'Asturies, ayeri, el caberu domingu del mes de xineru, nel Acuariu de Xixón celebróse la gala EMBAXADORES DEL ANGULERU y diéronse los premios del VI Concusrsu de Pintura qu'añalmente entamen l'Asociación Garabuxada. 

El CRA La Marina, vuelve a ser EMBAXADOR DEL ANGULERU 2019, por llevar la maxa d'esti popular personaxe navidiegu a les sos ecueles y aules. Amás, esti añu volvemos a tar de norabona porque algamamos 2 premios por participar nel VI Concursu de Pintura, nel que pa esta vuelta participaron al roidu de 2000 ñeños y ñeñes de toa Asturies. Los dibuxos premiaos son:

¡A toes y toos ellos, NORABONA!
Más info:
Facebook l'Anguleru
languleru.com
Languleru.blog (Victor Rual Pintado)
L'Anguleru
Acuariu de Xixón

Otra vuelta, L'Anguleru tuvo visitándonos y recoyendo les cartes de les ñeñes y ñeños del CRA La Marina. ¡¡De xuru, qu'esti añu vos van trayer regalinos asgaya!! 

Munches gracies a toes y toos pol trabayu fechu (al AMPA de Pion, AA.VV. de Tazones, al Aytu. maliayu, a les y los  maestros del CRA, al Anguleru y ayudantes..... )

Dende llingua nel aula mariñana eternamente agradecíu y aprovecho la ocasión pa deseavos unes prestoses fiestes navidiegues y bayurosu añu nuevu.

Otra vuelta, el prósimu vienres 21 d'avoentu L'Anguleru, bien acompañáu de los sos ayudantes, los llendadores de ríu, y como novedá, esti añu van incorporase a la comitiva los ocleros de Tazones, van tar de visita nes nuestres escueles pa recoyer les cartes, recordatoriu del wuasap y repartir a les escolines y escolinos paquetinos de garulla, gracies a la collaboración del Conceyu de Villaviciosa y sofitu del AMPA de Pion y l'AA.VV. de Tazones.

L'horariu, va ser más o menos el que vien darréu:

Tazones: 9:15 hores

Oles: 9:50 hores

Argüeru: 10:30 hores

Castiellu: 11:15 hores

Quintes: 12:00 hores

Pion: 13:05 hores

Pion-Bárcena: 13:35 hores

Esti añu podeis ponevos en contactu con él nel wuasap:

Y si non equí vos dexamos la carta pa si quereis imprimila (Calca na imaxe pa descargala).

Los Ocleros de Tazones esperen otra vuelta, esti añu con munches ganes al Anguleru pa poder cumplir col so llabor qu'entamaron hai dos años: recibir y ayudar al Anguleru nel pueblu maliayu de Tazones, pa repartir ilusión ente les ñeñes y ñeños locales. Esti añu amás, tán acabantes de confirmar la presencia na xira que L'Anguleru y los llendadores van facer pol C.R.A. La Marina el prósimu vienres 21 d'avientu.
Esti colectivu d'homes y muyeres que se dediquen o dedicaben a la recoyida del ocle, van vistíos con traxes d'agua, guantes, gorros de llana y amazcaraos con barbes, con botes o zapatos d'agua y la ferramienta tradicional na recoyida d'olce, amás faroles pa poder allumar les caleyes de Tazones pela nueche.
Nun se-yos escaez los sos antepasaos, yá que foi una xera que desenvolvieron les muyeres, que d'aquella yeren les que s'encargaben de recoyer la ocla na sablera de Tazones, demientres los sos homes se facíen a la mar y poro, cada salida nun dexa de ser un homenaxe a elles, que foron fundameneales na economía local y doméstica de les cases y llares d'esti puertu mariñán.
Dende hai dos años, reciben al Anguleru na sablera de Tazones, pa depués dir camín de la rula onde reciben a les y los vecinos, repartiendo paquetes de garulla ente los más pequeñinos. Depués, al alborecer, los olceros reparten los regalos que los ñeños y ñeñes-y pidieron al Anguleru, quien ta peragradecíu del llabor d'esti colectivu.

LOS OCLEROS Y L'OLE

L'ocle, ocla tamién ye una planta marina que forma grandes praderíos con yerbazales nel fondu marín. Maurez a finales de branu y coles primeres marees fuertes de fondu esprendese pa llegar al debalu de les corrientes a les sableres y quedase varada nos sables cola baxamar, dacuando ye tala la cantidá que paez una alfonmbra qu'esparde un arume y fuerte golor a yodo y mar.

Semeya: LNE Irma Collín

Les persones dedicaes a recoyelo, los ocleros empiecen a recoyelo nel mes de setiembre, durante los meses de la seronda ya iviernu. Antaño, nel pueblu de Tazones yera llabor que facíen les muyeres yá que los homes salíen a la mar y yera una manera de ganar un ingresu estra, mui necesariu pa les families mariñanes, munches vegaes, necesitaes poles condiciones de la mar (nortiaes y temporales que facíen perdifícil salir a pescar). 

Semeya El Comercio

Anguaño, ye un sector en puxu, puesto que xenera munchu emplegu, sobre too en zones castigaes pol paru o pol abandonu del sector pesqueru y pa recoyelo úsase maquinaria agrícola especializada y camiones.

Semeya: Bernardo Busto

En recoyéndo l'ocle de les sableres, hai que secalu, cola ayuda del aire que ye causi tan importante como que nun llueva, y en secándolo, viéndese a les empreses que lo utilicen pa estrayer agar-agar y facer una xelatina que tien numberoses utilidaes na ellaboración de cosmética, en medicina, en productos de alimentación y dietética y agora tamién ta de moda nos na cocina d'autor.

Equí vos dexamos a Los Ocleros a vista de les ñeñes y ñeños de la Escuela de Tazones:

Si quies falar con él, el prósimu domingu 2 d'avientu va facer una video conferencia dende l'Acuariu de Xixón. La entrada ye de badre hasta completar l'aforu.

Además, otra vuelta más dende'l CRA La Marina, vamos participar nel 6u. Concursu de Dibuxu y Pintura de L'Anguleru. Equí vos dexamos les bases. ¡Suerte asgaya pa toes y toos!

Ayeri tuvo L'Anguleur y los llendadores visitando y recoyendo les cartes de les ñeñes y ñeños del CRA La Marina. Munches gracies a toes y toos pol trabayu fechu. Esperemos que vos traiga munchos regalinnos L'Anguleru. Equí vos dexo les semeyes de la xira y aprovecho la ocasión pa deseavos unes prestoses fiestes navidiegues y bon añu nuevu. 

Galería de semeyes de la visita del Anguleru y los llendadores al CRA La Marina

Un candial y navidiegu saludu dende llingua nel aula mariñana.

Resume Visual:

Esti xueves, L'Anguleru, bien acompañáu de los sos ayudantes, los llendadores de ríu, va tar de visita nes nuestres escueles pa recoyer les cartes y reparti a les escolines y escolinos paquetinos de garulla, gracies a la collaboración del Conceyu de Villaviciosa y del AMPA de Pion.

• Tazones: 9:15 hores
• Oles: 9:50 hores
• Argüeru: 10:30 hores
• Castiellu: 11:15 hores
• Quintes: 12:00 hores
• Pion: 13:05 hores
• Pion-Bárcena: 13:35 hores

Equí vos dexamos la carta pa si quereis imprimila (Calca na imaxe pa descargala).
¡Yá queda poco pa que venga L'Anguleru!
Más info:
L'Anguleru

Esti domingu pasáu, tuvimos otra vuelta na entrega premios y gala d'Embaxadores del IV Concursu de Dibuxu L'Anguleru y que se fizo nel Acuariu de Xixón. 

Norabona a toles y tolos premiaos, ente ellos el nuesu escolín del CRA La Marina, Pelayo González Meana y a los embaxaores ente ellos el profe de llingua (embaxaor d'honor).

Otra vuelta, el C.R.A. La Marina volvemos a ser  Embaxaores oficiales del Anguleru 2017

Equí vos dexamos los demás dibuxos participantes del CRA La Marina:

Dibuxos participantes nel IV Concursu de Pintura L'Anguleru

Y los responsables de too:

L'Anguleru 

Acuariu de Xixón

Equí vos dexamos les semeyes de la xira de L'Anguleru que fizo pol CRA La Marina el pasáu 22 d'avientu. Munches gracies pol trabayu fechu. Hasta l'añu qu'entra Anguleru y llendadores.. Pa los que se vos escaeció pidíi daqué entovía teneis la oportunidá de que los Reis Magos vos dexen dalgún regalín..

Bon añu nuevu y un candial saludu dende llingua nel aula mariñana

Nestes feches, la nadal tresfórmase en ilusión y felicidá gracies al maxa de los Reis Magos, Pá Noel, L'Anguleru, O apalpador, L'Esteru, Olentzero, El Cagatió y la Toza de Nadal qu'aporten a los nuesos llares estes feches ivernales pa calecenos de regalinos y llabionaes que tanto nos presten. A los Reis Magos, Santa Claus y L'Anguleur yá los conocemos, nun-yos fai falta presentación nenguna, asina que vamos ver quein son  los otros amigos y collacios de L'Anguleru:

L'ANGULERU (Asturies)

Antiguamente, mentes la pesca ivernal de l'angula, munchos anguleros emplegaben el sobresueldu de les ganancies pa mercar regalos a los neños.

Tien ayudantes que son los llendadores del ríu o agavitadores son los lleales ayudantes del Anguleru. Encánguense de recoyer les cartes y repartir xunto a elli, los regalos de navidá. Amás ellos tienen munchu trabayu durante tou l'añu, yá que son los encargaos de portexer los calces de los regueros, regatos, ríos y ríes asturianos, desenvolviendo llavores de llimpieza y repoblamientu. Si quies collaborar con ellos na defensa y caltenimientu de la natura, tú tamién pues llegar a ser una o ún d'ellos. L'Anguleru ta peragradecíu del so llabor y vosotros memsos podeis llegar a ser llendadores o agavitadores de ríu.

O APALPADOR (Galicia)

L'ESTERU (Cantabria)

CAGATIÓ / TIÓ DE NADAL (Catalunya)

TRONCA / TOZA DE NADAL (Aragón)

Tamién:

N'otros llugares la fórmula ye más cenciella glayando:

Agora tócavos trabayar: