Equí vos va'l resume de la VI Olimpiada Saludable desenvuelta el pasáu 11 d'abril, na escuela de Bárcena, Pion, con un día perguapu, esti añu más nuestra que nuca.
Tres la llectura del pregón nes tres llinguas que deprenden nel CRA les neñes y neños, fízose un calentamientu:
CARRERA DE SACOS:
Caún de los participantes tien que tener les pates dientro d'un sacu hasta los cadriles, suxetándolu coles manes pa facer una carrera per un percorríu previamente marcáu. Gana'l primeru que cruce la meta.
Nesta modalidá, hai que recoyer un númberu de panoyes colocaes en filera y con una distanci ente si d'un metru aprosimadamente y dir metiéndoles nun cestu colocáu al prinicpiu de la fial. Les panoyes recuéyense d'una nuna y pue facese por pareyes... Gana l'equipu que primero recueye les panoyes.
CARRERA DE LLECHERES:
Al rodiu d'un circuitu de 25 metros, trátase de dar el mayor númberu de vueltes coles llecheres (les de competición pesen unos 35 kg caúna y n'Asturies compítese a un tiempu de non más de tres minutos. Tamién se pue competir con llecheres de 50 kg y ensin límite de tiempu.
LA RANA
Hai que lanzar diez fiches de metal a una xaronca metálica metía nun caxón, trantando de mete-yles pola boca.
LLANZAMIENTU BARRA
L'oficial, ye'l llanzamientu de barra, nós ficímoslu de fesoria...
Hai qu'aventar una barra de canteru en posición vertial, lo más llueñe posible, de manera que tien que quedar espetada nel suelu, o polo menos, col mesmu estremu inferior col que salio de la mano. La nuestra variante, el llanzamientu de fesoria, a ver quien yera a llanzalu más lloñe...
Un clásicu de les fiestes de prau y mui prestosu.
Ye un deportes d'equipu (oficialmente 8 tiradores) que trata de arrastrar a un equiu a otru nuna distancia de 4 metros. La competición faise a dos tiraes, con una más en casu d'empate.
Xuegu autóctonu d'Asturies. 9 bolos colocaos de tres en tres y un bolín o biche que se coloca a derecha o izquierda según se tire la bola, pa la mano o pal pulgar la puntuacion varia según el numberu de bolos valtaos y la posicion de la bola.
Un momentu pa tomar un pinchín mui nuestru, un bollín preñau y echar un tragu pa descansar un cachu y garrar fuerces pa la carrera.
Y pa echar el pieslle danzamos y cantamos una danza prima, como lo facíen los nuestros antepasaos celtes que poblaron estes tierres va cuantayá.
Más info:
