Más info:

Estes son les contacciones o xuntura de palabres que correspuende al artículu (el, la, los y les) y la preposición en 

Completa esti cuadru na llibreta:

Camudamos de cursu y tamién les llectures n'asturianu van venir cargaes de numberoses sorpreses. ¡Tai sollertes!.

Otra vegada vais poder sacar llibros de la biblioteca del C.R.A. La Marina, de la Biblioteca Itinerante Ruta 33, d'otres biblioteques o tamién llibros que tengáis por casa. ¡Van valir toos y cuantos más meyor!. Eso si, alcordáivos que la llectura siempre va ser VOLUNTARIA, non obligaria. Asina que a viaxar colos llibros n'asturianu.

LA PRIMAVERA,  ye una de los cuatro estaciones de les zones templaes del planeta Tierra, sigue al iviernu y preciede al branu. Astronómicamente, esta estación empieza col equinocciu de primavera (ente'l 20 marzu y el 21 de xunu nel hemisferiu norte, y ente'l 21 y el 23 de setiembre nel hemisferiu sur), y termina col solsticiu de branu (alredor del 21 de xunu nel hemisferiu norte y el 21 d'avientu nel hemisferiu sur). Na zona intertropical del hemisferiu norte empieza'l 21 de marzu hasta'l 23 de setiembre. Na zona intertropical del hemisferiu sur va dende'l 23 de setiembre al 21 de marzu.

La primavera tamién puede referir a les idees de la renacencia, el remocicamientu, la renovación, la resurrección y la nueva crecedera. Na lliteratura, la primavera representa la mocedá, dómina o fase la vida d'una persona na que se diz que ta na flor de la vida" yá que na primavera florien les plantes, hai munchos páxaros, relluma más el sol, los díes son más llargos.

Otra vuelta vamos participar nesti concursín tan prestosu que convoquen dende la Mancomunidá Comarca de la Sidra, al traviés del so Serviciu de Normalización llingüística: la tercer edición del concursu escolar MIL PALLABRES PRESTOSES, empobináu a escolinos/es de les escueles asitiaes nos conceyos qu’integren la Comarca. 

Éstes son les bases del concursu

1. Puen participar tolos neños/es qu’asina lo quieran, siempre que tean matriculaos en cualquiera de los centros escolares d’educación primaria de la Comarca de la Sidra. 

2. El concursu tendrá trés categoríes: 

* Categoría A: 1er y 2u cursu de primaria.

* Categoría B: 3er y 4u cursu de primaria. 

* Categoría C: 5u y 6u cursu de primaria. 

3. Premios. Habrá un primer premiu y un accésit per caúna de les categoríes. Los premios consistirán en lotes de llibros, cedés, deuvedés y material didácticu y cultural rellacionáu cola llingua asturiana.

4. Los trabayos presentaránse en formatu DIN-A4 apaisáu y nellos ha apaecer una pallabra asturiana bien llexible en xunto col dibuxu que la representa. 

5. Pela parte d’atrás del dibuxu, figurará el nome y apellíos del participante, centru escolar y cursu. La organización garantizará l’anonimatu de los participantes de cara al xuráu. 

6. Cada participante va poder unviar tantos trabayos como-y preste. 

7. Los trabayos unviaránse al Serviciu de Normalización Lingüística de Man.co.si (Paraes nº47 33529 Nava – Asturies) enantes del xueves 24 d’abril de 2019. 

8. El xuráu, que tendrá como secretariu al responsable del Serviciu de Normalización Llingüística de la Comarca de la Sidra, compondránlu persones cualificaes na materia, y emitirá’l so fallu enantes del martes 30 d’abril de 2019. El so fallu va ser inapelable. Amás del dibuxu, valoraráse la orixinalidá de la pallabra escoyida y la llexibilidá y guapura de les lletres. 

9. Una esbilla de los trabayos participantes espondráse en biblioteques, cases de cultura y edificios públicos de la Comarca de la Sidra mientres la Selmana de les Lletres Asturianes y esparderáse peles redes sociales al traviés del facebook Serviciu de Normalización Llingüística de la Comarca de la Sidra. El restu de trabayos podrán esponese igualmente pelos centros educativos y culturales de los distintos conceyos. 

10. La participación nel concursu supón l’aceptación de les presentes bases.

Más info:

Como vien siendo un prestosu vezu n'Asturies, ayeri, el caberu domingu del mes de xineru, nel Acuariu de Xixón celebróse la gala EMBAXADORES DEL ANGULERU y diéronse los premios del VI Concusrsu de Pintura qu'añalmente entamen l'Asociación Garabuxada. 

El CRA La Marina, vuelve a ser EMBAXADOR DEL ANGULERU 2019, por llevar la maxa d'esti popular personaxe navidiegu a les sos ecueles y aules. Amás, esti añu volvemos a tar de norabona porque algamamos 2 premios por participar nel VI Concursu de Pintura, nel que pa esta vuelta participaron al roidu de 2000 ñeños y ñeñes de toa Asturies. Los dibuxos premiaos son:

¡A toes y toos ellos, NORABONA!
Más info:
Facebook l'Anguleru
languleru.com
Languleru.blog (Victor Rual Pintado)
L'Anguleru
Acuariu de Xixón

Los demostrativos empléguense pa señalar o amosar la rellación cercana o alloñada que se tien d'un oxetu, animal o persona. Presenten les formes que siguen darréu:

Vamos completar esti cuador na llibreta:

Como cada añu, lleguen al CRA La Marina, los Llibros de Ruta 33, una biblioteca itinerante en llingua asturianaque vamos cuntar con ella hasta finales de febreru

Esto ye un proyectu del C.P.R. Xixón-Oriente, que collaborar cola animación llectora que, nel marcu del PLEI, onde se pretende contribuyir a favorecer de forma directa la competencia en comunicación llingüística y de forma tresversal al restu de les Competencies.

Dende la clas de llingua, vamos trabayalo faciendo la llectura de ún de los llibros, que depués comentaremos na clas y trabayaremos al traviés d'esta FICHA-RESUME

Los trabayos, vamos a espublizalos nesti blog nel apartáu de:

Más info:

L'iviernu ye una de les cuatro estaciones del añu. Astronómicamente, comienza col solsticiu d'iviernu (alredor del 21 d'avientu nel hemisferiu norte, 21 de xunu nel hemisferiu sur) y acaba col equinocciu de primavera (alredor del 21 de marzu nel hemisferiu norte; 21 de setiembre nel hemisferiu sur).

Otra vuelta, L'Anguleru tuvo visitándonos y recoyendo les cartes de les ñeñes y ñeños del CRA La Marina. ¡¡De xuru, qu'esti añu vos van trayer regalinos asgaya!! 

Munches gracies a toes y toos pol trabayu fechu (al AMPA de Pion, AA.VV. de Tazones, al Aytu. maliayu, a les y los  maestros del CRA, al Anguleru y ayudantes..... )

Dende llingua nel aula mariñana eternamente agradecíu y aprovecho la ocasión pa deseavos unes prestoses fiestes navidiegues y bayurosu añu nuevu.

Dende'l Serviciu de Normalización Llingüística Comarca de la Sidra, tán acabantes d'espublizar y comunicanos a les y los ganadores del concursu "Les Cuatro Estaciones"

Otra vuelta, el prósimu vienres 21 d'avoentu L'Anguleru, bien acompañáu de los sos ayudantes, los llendadores de ríu, y como novedá, esti añu van incorporase a la comitiva los ocleros de Tazones, van tar de visita nes nuestres escueles pa recoyer les cartes, recordatoriu del wuasap y repartir a les escolines y escolinos paquetinos de garulla, gracies a la collaboración del Conceyu de Villaviciosa y sofitu del AMPA de Pion y l'AA.VV. de Tazones.

L'horariu, va ser más o menos el que vien darréu:

Tazones: 9:15 hores

Oles: 9:50 hores

Argüeru: 10:30 hores

Castiellu: 11:15 hores

Quintes: 12:00 hores

Pion: 13:05 hores

Pion-Bárcena: 13:35 hores

Esti añu podeis ponevos en contactu con él nel wuasap:

Y si non equí vos dexamos la carta pa si quereis imprimila (Calca na imaxe pa descargala).

Los Ocleros de Tazones esperen otra vuelta, esti añu con munches ganes al Anguleru pa poder cumplir col so llabor qu'entamaron hai dos años: recibir y ayudar al Anguleru nel pueblu maliayu de Tazones, pa repartir ilusión ente les ñeñes y ñeños locales. Esti añu amás, tán acabantes de confirmar la presencia na xira que L'Anguleru y los llendadores van facer pol C.R.A. La Marina el prósimu vienres 21 d'avientu.
Esti colectivu d'homes y muyeres que se dediquen o dedicaben a la recoyida del ocle, van vistíos con traxes d'agua, guantes, gorros de llana y amazcaraos con barbes, con botes o zapatos d'agua y la ferramienta tradicional na recoyida d'olce, amás faroles pa poder allumar les caleyes de Tazones pela nueche.
Nun se-yos escaez los sos antepasaos, yá que foi una xera que desenvolvieron les muyeres, que d'aquella yeren les que s'encargaben de recoyer la ocla na sablera de Tazones, demientres los sos homes se facíen a la mar y poro, cada salida nun dexa de ser un homenaxe a elles, que foron fundameneales na economía local y doméstica de les cases y llares d'esti puertu mariñán.
Dende hai dos años, reciben al Anguleru na sablera de Tazones, pa depués dir camín de la rula onde reciben a les y los vecinos, repartiendo paquetes de garulla ente los más pequeñinos. Depués, al alborecer, los olceros reparten los regalos que los ñeños y ñeñes-y pidieron al Anguleru, quien ta peragradecíu del llabor d'esti colectivu.

LOS OCLEROS Y L'OLE

L'ocle, ocla tamién ye una planta marina que forma grandes praderíos con yerbazales nel fondu marín. Maurez a finales de branu y coles primeres marees fuertes de fondu esprendese pa llegar al debalu de les corrientes a les sableres y quedase varada nos sables cola baxamar, dacuando ye tala la cantidá que paez una alfonmbra qu'esparde un arume y fuerte golor a yodo y mar.

Semeya: LNE Irma Collín

Les persones dedicaes a recoyelo, los ocleros empiecen a recoyelo nel mes de setiembre, durante los meses de la seronda ya iviernu. Antaño, nel pueblu de Tazones yera llabor que facíen les muyeres yá que los homes salíen a la mar y yera una manera de ganar un ingresu estra, mui necesariu pa les families mariñanes, munches vegaes, necesitaes poles condiciones de la mar (nortiaes y temporales que facíen perdifícil salir a pescar). 

Semeya El Comercio

Anguaño, ye un sector en puxu, puesto que xenera munchu emplegu, sobre too en zones castigaes pol paru o pol abandonu del sector pesqueru y pa recoyelo úsase maquinaria agrícola especializada y camiones.

Semeya: Bernardo Busto

En recoyéndo l'ocle de les sableres, hai que secalu, cola ayuda del aire que ye causi tan importante como que nun llueva, y en secándolo, viéndese a les empreses que lo utilicen pa estrayer agar-agar y facer una xelatina que tien numberoses utilidaes na ellaboración de cosmética, en medicina, en productos de alimentación y dietética y agora tamién ta de moda nos na cocina d'autor.

Equí vos dexamos a Los Ocleros a vista de les ñeñes y ñeños de la Escuela de Tazones: