Más info:

Otra vuelta vamos participar nesti concursín tan prestosu que convoquen dende la Mancomunidá Comarca de la Sidra, al traviés del so Serviciu de Normalización llingüística: la tercer edición del concursu escolar MIL PALLABRES PRESTOSES, empobináu a escolinos/es de les escueles asitiaes nos conceyos qu’integren la Comarca. 

Éstes son les bases del concursu

1. Puen participar tolos neños/es qu’asina lo quieran, siempre que tean matriculaos en cualquiera de los centros escolares d’educación primaria de la Comarca de la Sidra. 

2. El concursu tendrá trés categoríes: 

* Categoría A: 1er y 2u cursu de primaria.

* Categoría B: 3er y 4u cursu de primaria. 

* Categoría C: 5u y 6u cursu de primaria. 

3. Premios. Habrá un primer premiu y un accésit per caúna de les categoríes. Los premios consistirán en lotes de llibros, cedés, deuvedés y material didácticu y cultural rellacionáu cola llingua asturiana.

4. Los trabayos presentaránse en formatu DIN-A4 apaisáu y nellos ha apaecer una pallabra asturiana bien llexible en xunto col dibuxu que la representa. 

5. Pela parte d’atrás del dibuxu, figurará el nome y apellíos del participante, centru escolar y cursu. La organización garantizará l’anonimatu de los participantes de cara al xuráu. 

6. Cada participante va poder unviar tantos trabayos como-y preste. 

7. Los trabayos unviaránse al Serviciu de Normalización Lingüística de Man.co.si (Paraes nº47 33529 Nava – Asturies) enantes del xueves 24 d’abril de 2019. 

8. El xuráu, que tendrá como secretariu al responsable del Serviciu de Normalización Llingüística de la Comarca de la Sidra, compondránlu persones cualificaes na materia, y emitirá’l so fallu enantes del martes 30 d’abril de 2019. El so fallu va ser inapelable. Amás del dibuxu, valoraráse la orixinalidá de la pallabra escoyida y la llexibilidá y guapura de les lletres. 

9. Una esbilla de los trabayos participantes espondráse en biblioteques, cases de cultura y edificios públicos de la Comarca de la Sidra mientres la Selmana de les Lletres Asturianes y esparderáse peles redes sociales al traviés del facebook Serviciu de Normalización Llingüística de la Comarca de la Sidra. El restu de trabayos podrán esponese igualmente pelos centros educativos y culturales de los distintos conceyos. 

10. La participación nel concursu supón l’aceptación de les presentes bases.

Más info:

Actos del conceyu maliayu, al traviés del Serviciu de Normalización Llingüçistica Comarca de la Sidra  y El Ronchel pa CELLEBRAR el DÍA INTERNACIONAL DE LA LLINGUA MATERNA el prósimu xueves 21 de febreru a les 18:30 hores.

Más info:

Dende'l Serviciu de Normalización Llingüística Comarca de la Sidra, tán acabantes d'espublizar y comunicanos a les y los ganadores del concursu "Les Cuatro Estaciones"

Los escolinos y escolines de llingua asturiana del C.R.A. La Marina vamos participar otra vuelta, nel concursu escolar de calendarios 2018 qu'añalmente entama el Serviciu de Normalización Llingüística de la Macomunidá Comarca de la Sidra. Equí vos dexmos les bases.

Más info:

¡Abrimos plazu p'apuntase a un nuevu taller d'asturianu avanzáu! 

Va ser nes instalaciones del Atenéu Obreru de Villaviciosa 

Enfocáu dende una perspectiva práctica y coaprendizaxe, el taller va empobináu a persones que tengan yá un conocimientu previu básicu de la llingua asturiana y quieran afondar nel so usu, enanchando vocabulariu, repasando la so ortografía y conociendo les sos distintes variantes y la so evolución hestórica y social, asina como la so proyección artística y cultural.

¿Nun ye bon plan pa esta seronda?

Dende güiei, entama nel Conceyu de Villaviciosa la XXXIX Selmana de Les Lletres Asturianes y  esti añu fícímoslo col repartu de lletres de pan Asturianes pol CRA La Marina, qu'entama'l Serviciu de Normalización Llingüística Comarca de la Sidra.

Vienres 4 de mayu Día de les Lletres Asturianes

- Pela mañana, repartu de lletres de pan

- A les 12:00 h. Actu escolar institucional del día de llletres de la 39 Selmana de Les Lletres Asturianes

Sábadu 5 de mayu

- A les 20:00 h. nel Teatru Riera 

Teatru "Nunca nun se sabe" de Higiécniu Papel Teatru

Xueves 10 de mayu 

- A les 19:00 h. na Casa los Hevia: Día de les lletres asturianes en Villaviciosa

Presentación nuevu númberu de la revista Friuz

Charra sobre la Fundación Belenos

Entrega premios del segundu concursu de microrrelatos del IES Victor García de la Concha

Actuación musical de Mur

Vienres 11 de mayu

- A les 18:00 h. cuentacuentos (Casa los Hevia)

Cuentacuentos a cargu de Susana Sela pa los más piquininos.

Más info: 

¡Yá tenemos ganadores de la segunda edición del concursu escolar 1000 pallabres prestoses! que convaca'l Serviciu de Normalización Llingüística Comarca de La Sidra ente tola población escolar de la mesma, col sofitu de la Conseyería d'Educación y l'Academia de la Llingua Asturiana.

Nel CRA La Marina tamos de norabona porque tenemos un primer premiu y un accesit....

Vamos participar nesti concursín tan prestosu. Tai sollertes a les bases y muncha suerte.

La Mancomunidá Comarca de la Sidra, al traviés del so Serviciu de Normalización llingüística, convoca’l segundu concursu escolar MIL PALLABRES PRESTOSES, empobináu a escolinos/es de les escueles asitiaes nos conceyos qu’integren la Comarca. 

1. Puen participar tolos neños/es qu’asina lo quieran, siempre que tean matriculaos en cualquiera de los centros escolares d’educación primaria de la Comarca de la Sidra. 

2. El concursu tendrá trés categoríes: 

• Categoría A: 1er y 2u cursu de primaria. 
• Categoría B: 3er y 4u cursu de primaria. 
• Categoría C. 5u y 6u cursu de primaria. 

3. Premios. Habrá un primer premiu y un accésit per caúna de les categoríes. Los premios consistirán en lotes de llibros, cedés, deuvedés y material didácticu y cultural rellacionáu cola llingua asturiana. 

4. Los trabayos presentaránse en formatu DIN-A4 apaisáu y nellos ha apaecer una pallabra asturiana bien llexible en xunto col dibuxu que la representa. 

5. Cada participante va poder enviar tantos trabayos como-y preste. 

6. Los trabayos unviaránse al Serviciu de Normalización Lingüística de Man.co.si (Paraes nº47 33529 Nava – Asturies) enantes del martes, 24 d’abril de 2017. A los trabayos acompañará-yos un sobre peslláu, firmáu con nomatu, dientro del que van figurar los nomes de los/es participantes y el centru al que pertenecen. 

7. El xuráu, que tendrá como secretariu al responsable del Serviciu de Normalización Llingüística de la Comarca de la Sidra, compondránlu persones cualificaes na materia, y emitirá’l so fallu mientres segunda quincena d’abril de 2018. El so fallu va ser inapelable. 

8. Una esbilla de los trabayos participantes espondráse en biblioteques, cases de cultura y edificios públicos de la Comarca de la Sidra mientres la Selmana de les Lletres Asturianes y esparderáse peles redes sociales al traviés del facebook Serviciu de Normalización Llingüística de la Comarca de la Sidra. El restu de trabayos podrán esponese igualmente pelos centros educativos y culturales de los distintos conceyos. 

9. La participación nel concursu supón l’aceptación de les presentes bases.

Más info:

El prósimu xueves 18 de xineru los talleres de llectura entamaos pol Serviciu de Normalización Comarca de la Sidra, en Villaviciosa, van cuntar cola participación d'Adolfo Camilo Díaz, l'autor del llibru Advenimientu.

El sitiu: salón d'actos del Centru Cultural Capistrano de Villaviciosa a les 19:00. La entrada, como siempre, ye llibre.

Más info:

Dende'l Serviciu de Normalización Llingüística Comarca de la Sidra, tán acabantes d'espublizar a les y los ganadores del concursu "Les Cuatro Estaciones". 

Unu de los accesit fue pa la nuesa  escolina y los nuesos escolinos de segundu cursu de Primaria del CRA La Marina: DAVID TUERO VIDAL, LUCAS LÓPEZ URRUTIA, CARLOTA FERREIRO QUINTES y HÉCTOR GARCÍA SÁNCHES.



¡Munches gracies!

El Concursu Escolar, convocáu pol Serviciu de Normalización Llingüística de la Comarca de la Sidra cola collaboración pa los premios de l'Academia de la Llingua Asturiana y la Conseyería d'Educación y Cultura, empobináu al alumnáu de primaria de tola comarca y que cuntó cola participación de tolos centros públicos y concertaos, los escolinos teníen qu'ellaborar n'equipu dibuxos sobre les cuatro estaciones del añu acompañaos de frases, refranes o poemes referentes a les mesmes. Colos dibuxos premiaos edítase un calendariu n'asturianu que se reparte ente la población escolar de la comarca. Amás de la edición del calendariu, los ganadores reciben de premiu un lote de llibros y música n'asturianu. 

Equí van les y los premiaos:

PRIMER PREMIU:

Categoría A 4u. a 6u. de Primaria
(C.P. Braulio Vigón de Colunga)

Francisco Martínez Fernández, 

Adrián Magallanes Fernández, 

Leo Saint Lorenzo 

Arón Gutiérrez Sánchez, 

Categoría B 1u. a 3u. de Primaria
(C.P. Salvador Vega Berros de Sariegu)

Maytane Riera Piedra

Vera Roza de Castro

Irene Villar Baena

Ana Zamorana Flecha

ACCESIT:

¡Norabona a tolos/es premiaos/es y a toles y tolos participantes!

Dende la Mancomunidá Comarca de la Sidra, al traviés del so Serviciu de Normalización llingüística, tán acabantes de convocar el concursu escolar de calendarios, empobinada a toles y tolos escolinos de les escueles asitiaes nos conceyos qu’integren la Mancomunidá. Nós vamos participar. Equí vos dexmos les bases.

El Serviciu de Normalización Llingüística de la Comarca de la Sidra abre plazu pa la inscripción de participantes nuevos/es nos sos Talleres de Llectura n'Asturianu pa la temporada 2017/2018. Los talleres, que lleven celebrandose dende 2012, tienen anguaño dos grupos en Nava y en Villaviciosa, y combinen la llectura de llibros de lliteratura asturiana actual, que s'empresten gratuitamente a los/les participantes, col alcuentru colos propios autores, lo que lo convierte nuna actividá atractiva y arriquecedora. 

Hasta'l 19 d'ochobre hai plazu pa que la xente interesao pueda apuntase, per teléfonu poníendose en contactu col SNLL de la Comarca de la Sidra nel númberu 985718413 (n'horariu de mañanes) o unviando un meil colos datos personales (nome, teléfonu y señes) a la direición normastur@hotmail.com. Tamién pue facese nes biblióteques públiques de Nava y de Villaviciosa o al traviés del facebook del Serviciu de Normalización Llingüística Comarca de la Sidra.

Más info:

El prósimu xueves 1 de xunu los talleres de llectura entamaos pol Serviciu de Normalización Comarca de la Sidra, en Villaviciosa, van cuntar cola participación de Pilar Arnaldo, l'autora del llibru Nel ríu la fame

Más info: 

Éstos son lo trabayos premiaos del concursu escolar '1000 pallabres prestoses', que convocaron el Serviciu de Normalización Llingüística ente la población escolar de la Comarca de la Sidra cola collaboración de la Conseyería d'Educación y Cultura y l'Academia de la Llingua Asturiana.  

Nel CRA La Marina tamos de norabona porque tenemos dos accesit y un primer premiu. Munches gracies y norabona a toos y toes. Que nun se nos escaeza que lo realmente importante YE PARTICIPAR.

CATEGORÍA A (Primer y segundu cursu de Primaria):

PRIMER PREMIU:

ACCESIT:  

CATEGORÍA B (Tercer y cuartu cursu de Primaria): 

PRIMER PREMIU: 

ACCESIT:

CATEGORÍA C (Quintu y sestu cursu de primaria):

PRIMER PREMIU:  

ACCESIT:

¡Norabona a toes y toos! #usalallingua #selmanadeleslletres

Más info: