Pop Piquiñín, (Petit Pop cantando n'asturianu) quier embarcar al públicu familiar nun viaxe per otros soníos y esperiencies, cola música pop como base, fuxendo tanto de los cantares púramente didáuticos cmo de la música descafeinada "d'adultos"

Fundáu nel 2010, el nuestru grupu ta formáu por Mar Álvarez, Lara González, Cova de Silva y Pedro Vigil, músicos d´un percorríu llargu dientro de la escena musical asturiana, miembros de bandes como Pauline en La Playa, Nosoträsh, Undershakers, Edwin Moses o Penélope Trip, ente otres.

Pop Piquiñín ufiértanos esti cantar como adelantu de la programación del VI día de la Reciella, na so versión karaoke.

Más info (calca na imaxe):

Skama la Rede ye un grupu de música que pertenez a la segunda xeneración del llamau "Rock Astur", nacida n'ochobre del 2003. Ente les sos influencies musicales beben de bandes qu'entmamron esti movimientu a mediaos de los ochenta (Dixebra, Berrones, Avientu, etc...)

Ente les característiques principales de la banda podemos dicir que tienen un soníu propiu y bien reconocible con estilos que van dende l'ska y el punk hasta el rock, reagge y folk, utilizando un instrumento de viento mental (la trompeta) y otru tradicional asturianau: la gaita, amás de batería, baxu y guitarres lléctriques. 

Otra de les sos careuterístiques ye l'empleu esclusivu de la llingua asturiana nes sos lletres, tanto en composiciones propies como adaptando testos fechos por encargu a collaboradores del grupu como'l periodista y escritor David Artime "Roxu". 

Podemos dicir que Skama la Rede ye una de les bandes que trabayen  pola normalización llingüística d'Astureis, xunto con otres de la escena musical asturiana.  "Entaína" (con lletra del periodista David Guardado y realización de Pablo Quiroga) ye un cantar que nos ufierten la xente de Skama la rede pa esparder y promocionar les actividaes del día de la Reciella desta edición.

Más info grupu (calca na imaxe):