Queremos presentavos el programa del festival d'artes escéniques pa la reciella. Teatru, cuentacuentos, música...y dalguna sorpresina más.

Va poder vese esti mes d'avientu nel Centru de Cultura Antiguu Institutu. Pa nun perdéselo.

Más info:

Reciella (families pol asturianu)

Ye'l quintu aniversariu de les Escenines (Festival 'Artes Escéniques pa neños y neñes) que tán entamando dende Reciella (families pol asturianu). Equí vos dexo la programación, que dende llingua nel aula mariñana vos queremos recomendar pa estes feches vinientes. Toles actividaes son de baldre (hasta que se enllene)

Escenines pa la Reciella, el festival de música y artes escénicques pa la reciella y n'asturianu. Esti añu con dos escenarios: l'Antiguu Institutu Xovellanos y el C.P. Xovellanos, y amplíen les  cuatro actividaes que veníen faciéndose estos años a cinco, colo meyor del panorama musical y teatral asturianu pa rapacinos.

Festival de Teatru Infantil y Xuvenil n'asturianu organizáu pola asociación Reciella, families pol asturianu col sofitu del Ayuntamientu de Xixón, la Caja Rural y el C.P. Xovellanos onde tienen llugar les representaciones.

PROGRAMA:

Domingu 27 d'avientu, 12.00 hores

Conciertu presentación "Bestiariu"

Miércoles 30 d'avientu, 19.00 hores

Grana de cardamomu d'El Callejón del gato

Sábadu 2 de xineru, 12.00 hores

Arriba'l periscopiu d'Higiénico Papel

Llunes 4 de xineru, 19.00 hores

Xuan Soldáu por Carlos Alba "Cellero"