El términu Pola, en toponimia refierse, a pueblu. N'Asturies, tenemos cinco "Poles", una "Polina" y una "Puela". Vamos dir viéndoles:

L’Asociación quier premiar cola so insignia a les escueles con un altu númberu de matriculación na asignatura d’Asturianu, ente elles, el CRA La Marina, que ye una de les 57 escueles asturianes que recibió’l “Reconocimientu de plata”, porque tienen una matrícula na asignatura de llingua asturiana igual o superior al 75%. 27 escueles lleven el “Reconocimientu d’oru” a la escuela con más matriculación por algamar un 100% y la "Mención Especial" a 6 centros pilotu qu’entamaron esti añu cola enseñanza del asturianu como llingua vehicular.

Otra vuelta, lleguen les vacaciones y dende la fastera LLINGUA ASTURIANA del CRA La Marina, deseavos que paséis un BON BRANU. MUNCHES GRACIES a toes y toos. Foi un placer.

Esti cursu qu'acaba de terminar, podemos dicir otra vegada, que n'asturianu #lleerpresta asgaya.
Estos son los resultaos de les valoraciones que les y los escolinos del C.R.A. La Marina-yos dan a les llectures na nuestra llingua. Y nun hai meyor compañía munches veces qu'un bon llibru pa matar l'aburrimientu y viaxar cola llectura. Bon branu.

Más info:

Otra vuelta más les llectures n'asturianu van venir cargaes de munches sosrpeses.

Pa esti cursu 2017/2018, vais poder sacar llibros n'asturianu de la biblioteca del C.R.A. La Marina, de la Biblioteca Itinerante Ruta 33, d'otres biblioteques o tamién llibros que tengáis por casa. ¡Van valir toos y cuantos más meyor!. Eso si, la llectura siempre va ser VOLUNTARIA.

Dende güiei, entama nel Conceyu de Villaviciosa la XXXIX Selmana de Les Lletres Asturianes y  esti añu fícímoslo col repartu de lletres de pan Asturianes pol CRA La Marina, qu'entama'l Serviciu de Normalización Llingüística Comarca de la Sidra.

Vienres 4 de mayu Día de les Lletres Asturianes

- Pela mañana, repartu de lletres de pan

- A les 12:00 h. Actu escolar institucional del día de llletres de la 39 Selmana de Les Lletres Asturianes

Sábadu 5 de mayu

- A les 20:00 h. nel Teatru Riera 

Teatru "Nunca nun se sabe" de Higiécniu Papel Teatru

Xueves 10 de mayu 

- A les 19:00 h. na Casa los Hevia: Día de les lletres asturianes en Villaviciosa

Presentación nuevu númberu de la revista Friuz

Charra sobre la Fundación Belenos

Entrega premios del segundu concursu de microrrelatos del IES Victor García de la Concha

Actuación musical de Mur

Vienres 11 de mayu

- A les 18:00 h. cuentacuentos (Casa los Hevia)

Cuentacuentos a cargu de Susana Sela pa los más piquininos.

Más info: 

El vienres va pasáu arrancó a andar en Llorgozana, con un actu poéticu al alborecer, la XXXIX Selmana de les Lletres Asturianes, dedicada esti añu a la lliteratura infantil y xuvenil. Hasta’l 8 de mayu van desendolcase actividaes al rodiu l’idioma en nueve conceyos, siendo la xornada central el vienres 4, Día de les Lletres Asturianes.

Dende l'Academia de la llingua Asturiana pal vienres 4 de mayu de les  Día de les lletres:

Más info:

Programa Selmana de les lletres Asturianes
Academia de la Llingua Asturiana
Xunta pola Defensa de la Llingua Asturiana

¡Yá tenemos ganadores de la segunda edición del concursu escolar 1000 pallabres prestoses! que convaca'l Serviciu de Normalización Llingüística Comarca de La Sidra ente tola población escolar de la mesma, col sofitu de la Conseyería d'Educación y l'Academia de la Llingua Asturiana.

Nel CRA La Marina tamos de norabona porque tenemos un primer premiu y un accesit....

Equí vos va'l resume de la VI Olimpiada Saludable desenvuelta el pasáu 11 d'abril, na escuela de Bárcena, Pion, con un día perguapu, esti añu más nuestra que nuca.

Tres la llectura del pregón nes tres llinguas que deprenden nel CRA les neñes y neños, fízose un calentamientu:

Caún de los participantes tien que tener les pates dientro d'un sacu hasta los cadriles, suxetándolu coles manes pa facer una carrera per un percorríu previamente marcáu. Gana'l primeru que cruce la meta.

CARRERA DE PANOYES:
TIRU CUERDA

Vamos participar nesti concursín tan prestosu. Tai sollertes a les bases y muncha suerte.

La Mancomunidá Comarca de la Sidra, al traviés del so Serviciu de Normalización llingüística, convoca’l segundu concursu escolar MIL PALLABRES PRESTOSES, empobináu a escolinos/es de les escueles asitiaes nos conceyos qu’integren la Comarca. 

1. Puen participar tolos neños/es qu’asina lo quieran, siempre que tean matriculaos en cualquiera de los centros escolares d’educación primaria de la Comarca de la Sidra. 

2. El concursu tendrá trés categoríes: 

• Categoría A: 1er y 2u cursu de primaria. 
• Categoría B: 3er y 4u cursu de primaria. 
• Categoría C. 5u y 6u cursu de primaria. 

3. Premios. Habrá un primer premiu y un accésit per caúna de les categoríes. Los premios consistirán en lotes de llibros, cedés, deuvedés y material didácticu y cultural rellacionáu cola llingua asturiana. 

4. Los trabayos presentaránse en formatu DIN-A4 apaisáu y nellos ha apaecer una pallabra asturiana bien llexible en xunto col dibuxu que la representa. 

5. Cada participante va poder enviar tantos trabayos como-y preste. 

6. Los trabayos unviaránse al Serviciu de Normalización Lingüística de Man.co.si (Paraes nº47 33529 Nava – Asturies) enantes del martes, 24 d’abril de 2017. A los trabayos acompañará-yos un sobre peslláu, firmáu con nomatu, dientro del que van figurar los nomes de los/es participantes y el centru al que pertenecen. 

7. El xuráu, que tendrá como secretariu al responsable del Serviciu de Normalización Llingüística de la Comarca de la Sidra, compondránlu persones cualificaes na materia, y emitirá’l so fallu mientres segunda quincena d’abril de 2018. El so fallu va ser inapelable. 

8. Una esbilla de los trabayos participantes espondráse en biblioteques, cases de cultura y edificios públicos de la Comarca de la Sidra mientres la Selmana de les Lletres Asturianes y esparderáse peles redes sociales al traviés del facebook Serviciu de Normalización Llingüística de la Comarca de la Sidra. El restu de trabayos podrán esponese igualmente pelos centros educativos y culturales de los distintos conceyos. 

9. La participación nel concursu supón l’aceptación de les presentes bases.

Más info:

Tócanos xugar agora coles pallabres de LA CIUDÁ. A ver si yes quien a dir poniéndoles nel sitiu. Ánimu que sólo vas poder facelo dos veces.. Depués vamos pintar la ficha como siempre facemos y apegala na llibreta, escribiendo les pallabres onde correspuendan.

Yá llegó  la primavera y de siguío vamos pintala y ponela na llibreta. Pues baxar la ficha calcando na imaxe: