Actos del conceyu maliayu, al traviés del Serviciu de Normalización Llingüçistica Comarca de la Sidra  y El Ronchel pa CELLEBRAR el DÍA INTERNACIONAL DE LA LLINGUA MATERNA el prósimu xueves 21 de febreru a les 18:30 hores.

Más info:

Como vien siendo un prestosu vezu n'Asturies, ayeri, el caberu domingu del mes de xineru, nel Acuariu de Xixón celebróse la gala EMBAXADORES DEL ANGULERU y diéronse los premios del VI Concusrsu de Pintura qu'añalmente entamen l'Asociación Garabuxada. 

El CRA La Marina, vuelve a ser EMBAXADOR DEL ANGULERU 2019, por llevar la maxa d'esti popular personaxe navidiegu a les sos ecueles y aules. Amás, esti añu volvemos a tar de norabona porque algamamos 2 premios por participar nel VI Concursu de Pintura, nel que pa esta vuelta participaron al roidu de 2000 ñeños y ñeñes de toa Asturies. Los dibuxos premiaos son:

¡A toes y toos ellos, NORABONA!
Más info:
Facebook l'Anguleru
languleru.com
Languleru.blog (Victor Rual Pintado)
L'Anguleru
Acuariu de Xixón

Otra vuelta, L'Anguleru tuvo visitándonos y recoyendo les cartes de les ñeñes y ñeños del CRA La Marina. ¡¡De xuru, qu'esti añu vos van trayer regalinos asgaya!! 

Munches gracies a toes y toos pol trabayu fechu (al AMPA de Pion, AA.VV. de Tazones, al Aytu. maliayu, a les y los  maestros del CRA, al Anguleru y ayudantes..... )

Dende llingua nel aula mariñana eternamente agradecíu y aprovecho la ocasión pa deseavos unes prestoses fiestes navidiegues y bayurosu añu nuevu.

Dende'l Serviciu de Normalización Llingüística Comarca de la Sidra, tán acabantes d'espublizar y comunicanos a les y los ganadores del concursu "Les Cuatro Estaciones"

Otra vuelta, el prósimu vienres 21 d'avoentu L'Anguleru, bien acompañáu de los sos ayudantes, los llendadores de ríu, y como novedá, esti añu van incorporase a la comitiva los ocleros de Tazones, van tar de visita nes nuestres escueles pa recoyer les cartes, recordatoriu del wuasap y repartir a les escolines y escolinos paquetinos de garulla, gracies a la collaboración del Conceyu de Villaviciosa y sofitu del AMPA de Pion y l'AA.VV. de Tazones.

L'horariu, va ser más o menos el que vien darréu:

Tazones: 9:15 hores

Oles: 9:50 hores

Argüeru: 10:30 hores

Castiellu: 11:15 hores

Quintes: 12:00 hores

Pion: 13:05 hores

Pion-Bárcena: 13:35 hores

Esti añu podeis ponevos en contactu con él nel wuasap:

Y si non equí vos dexamos la carta pa si quereis imprimila (Calca na imaxe pa descargala).

Los Ocleros de Tazones esperen otra vuelta, esti añu con munches ganes al Anguleru pa poder cumplir col so llabor qu'entamaron hai dos años: recibir y ayudar al Anguleru nel pueblu maliayu de Tazones, pa repartir ilusión ente les ñeñes y ñeños locales. Esti añu amás, tán acabantes de confirmar la presencia na xira que L'Anguleru y los llendadores van facer pol C.R.A. La Marina el prósimu vienres 21 d'avientu.
Esti colectivu d'homes y muyeres que se dediquen o dedicaben a la recoyida del ocle, van vistíos con traxes d'agua, guantes, gorros de llana y amazcaraos con barbes, con botes o zapatos d'agua y la ferramienta tradicional na recoyida d'olce, amás faroles pa poder allumar les caleyes de Tazones pela nueche.
Nun se-yos escaez los sos antepasaos, yá que foi una xera que desenvolvieron les muyeres, que d'aquella yeren les que s'encargaben de recoyer la ocla na sablera de Tazones, demientres los sos homes se facíen a la mar y poro, cada salida nun dexa de ser un homenaxe a elles, que foron fundameneales na economía local y doméstica de les cases y llares d'esti puertu mariñán.
Dende hai dos años, reciben al Anguleru na sablera de Tazones, pa depués dir camín de la rula onde reciben a les y los vecinos, repartiendo paquetes de garulla ente los más pequeñinos. Depués, al alborecer, los olceros reparten los regalos que los ñeños y ñeñes-y pidieron al Anguleru, quien ta peragradecíu del llabor d'esti colectivu.

LOS OCLEROS Y L'OLE

L'ocle, ocla tamién ye una planta marina que forma grandes praderíos con yerbazales nel fondu marín. Maurez a finales de branu y coles primeres marees fuertes de fondu esprendese pa llegar al debalu de les corrientes a les sableres y quedase varada nos sables cola baxamar, dacuando ye tala la cantidá que paez una alfonmbra qu'esparde un arume y fuerte golor a yodo y mar.

Semeya: LNE Irma Collín

Les persones dedicaes a recoyelo, los ocleros empiecen a recoyelo nel mes de setiembre, durante los meses de la seronda ya iviernu. Antaño, nel pueblu de Tazones yera llabor que facíen les muyeres yá que los homes salíen a la mar y yera una manera de ganar un ingresu estra, mui necesariu pa les families mariñanes, munches vegaes, necesitaes poles condiciones de la mar (nortiaes y temporales que facíen perdifícil salir a pescar). 

Semeya El Comercio

Anguaño, ye un sector en puxu, puesto que xenera munchu emplegu, sobre too en zones castigaes pol paru o pol abandonu del sector pesqueru y pa recoyelo úsase maquinaria agrícola especializada y camiones.

Semeya: Bernardo Busto

En recoyéndo l'ocle de les sableres, hai que secalu, cola ayuda del aire que ye causi tan importante como que nun llueva, y en secándolo, viéndese a les empreses que lo utilicen pa estrayer agar-agar y facer una xelatina que tien numberoses utilidaes na ellaboración de cosmética, en medicina, en productos de alimentación y dietética y agora tamién ta de moda nos na cocina d'autor.

Equí vos dexamos a Los Ocleros a vista de les ñeñes y ñeños de la Escuela de Tazones:

Queremos presentavos el programa del festival d'artes escéniques pa la reciella. Teatru, cuentacuentos, música...y dalguna sorpresina más.

Va poder vese esti mes d'avientu nel Centru de Cultura Antiguu Institutu. Pa nun perdéselo.

Más info:

Reciella (families pol asturianu)

Si quies falar con él, el prósimu domingu 2 d'avientu va facer una video conferencia dende l'Acuariu de Xixón. La entrada ye de badre hasta completar l'aforu.

Además, otra vuelta más dende'l CRA La Marina, vamos participar nel 6u. Concursu de Dibuxu y Pintura de L'Anguleru. Equí vos dexamos les bases. ¡Suerte asgaya pa toes y toos!

¡Abrimos plazu p'apuntase a un nuevu taller d'asturianu avanzáu! 

Va ser nes instalaciones del Atenéu Obreru de Villaviciosa 

Enfocáu dende una perspectiva práctica y coaprendizaxe, el taller va empobináu a persones que tengan yá un conocimientu previu básicu de la llingua asturiana y quieran afondar nel so usu, enanchando vocabulariu, repasando la so ortografía y conociendo les sos distintes variantes y la so evolución hestórica y social, asina como la so proyección artística y cultural.

¿Nun ye bon plan pa esta seronda?

Yá llega ¡ESPOXIGA!, el VI Día de la Reciella.
El prósimu domingu 7 d'ochobre, nel muséu del Pueblu d'Asturies (Xixón) actividaes pa la reciella: lliteratura, música, teatru, deportes, talleres, ecoloxía, gastronomía, pintacares, etc... y toes de baldre.

Y tamién la III ENTAÍNA, carrera familiar pol asturianu. ¡Díi acutando la fecha y entrenando!.  P'aountase a la carrera y pa más información (calca na imaxe):

POP PIQUIÑÍN interpreta ¡ESPOXIGA! pal VI DÍA DE LA RECIELLA

L’Asociación quier premiar cola so insignia a les escueles con un altu númberu de matriculación na asignatura d’Asturianu, ente elles, el CRA La Marina, que ye una de les 57 escueles asturianes que recibió’l “Reconocimientu de plata”, porque tienen una matrícula na asignatura de llingua asturiana igual o superior al 75%. 27 escueles lleven el “Reconocimientu d’oru” a la escuela con más matriculación por algamar un 100% y la "Mención Especial" a 6 centros pilotu qu’entamaron esti añu cola enseñanza del asturianu como llingua vehicular.

Otra vuelta, lleguen les vacaciones y dende la fastera LLINGUA ASTURIANA del CRA La Marina, deseavos que paséis un BON BRANU. MUNCHES GRACIES a toes y toos. Foi un placer.

Dende güiei, entama nel Conceyu de Villaviciosa la XXXIX Selmana de Les Lletres Asturianes y  esti añu fícímoslo col repartu de lletres de pan Asturianes pol CRA La Marina, qu'entama'l Serviciu de Normalización Llingüística Comarca de la Sidra.

Vienres 4 de mayu Día de les Lletres Asturianes

- Pela mañana, repartu de lletres de pan

- A les 12:00 h. Actu escolar institucional del día de llletres de la 39 Selmana de Les Lletres Asturianes

Sábadu 5 de mayu

- A les 20:00 h. nel Teatru Riera 

Teatru "Nunca nun se sabe" de Higiécniu Papel Teatru

Xueves 10 de mayu 

- A les 19:00 h. na Casa los Hevia: Día de les lletres asturianes en Villaviciosa

Presentación nuevu númberu de la revista Friuz

Charra sobre la Fundación Belenos

Entrega premios del segundu concursu de microrrelatos del IES Victor García de la Concha

Actuación musical de Mur

Vienres 11 de mayu

- A les 18:00 h. cuentacuentos (Casa los Hevia)

Cuentacuentos a cargu de Susana Sela pa los más piquininos.

Más info: 

El vienres va pasáu arrancó a andar en Llorgozana, con un actu poéticu al alborecer, la XXXIX Selmana de les Lletres Asturianes, dedicada esti añu a la lliteratura infantil y xuvenil. Hasta’l 8 de mayu van desendolcase actividaes al rodiu l’idioma en nueve conceyos, siendo la xornada central el vienres 4, Día de les Lletres Asturianes.

Dende l'Academia de la llingua Asturiana pal vienres 4 de mayu de les  Día de les lletres:

Más info:

Programa Selmana de les lletres Asturianes
Academia de la Llingua Asturiana
Xunta pola Defensa de la Llingua Asturiana

Equí vos va'l resume de la VI Olimpiada Saludable desenvuelta el pasáu 11 d'abril, na escuela de Bárcena, Pion, con un día perguapu, esti añu más nuestra que nuca.

Tres la llectura del pregón nes tres llinguas que deprenden nel CRA les neñes y neños, fízose un calentamientu:

Caún de los participantes tien que tener les pates dientro d'un sacu hasta los cadriles, suxetándolu coles manes pa facer una carrera per un percorríu previamente marcáu. Gana'l primeru que cruce la meta.

CARRERA DE PANOYES:
TIRU CUERDA