Otra vuelta, L'Anguleru tuvo visitándonos y recoyendo les cartes de les ñeñes y ñeños del CRA La Marina. ¡¡De xuru, qu'esti añu vos van trayer regalinos asgaya!! 

Munches gracies a toes y toos pol trabayu fechu (al AMPA de Pion, AA.VV. de Tazones, al Aytu. maliayu, a les y los  maestros del CRA, al Anguleru y ayudantes..... )

Dende llingua nel aula mariñana eternamente agradecíu y aprovecho la ocasión pa deseavos unes prestoses fiestes navidiegues y bayurosu añu nuevu.

Dende'l Serviciu de Normalización Llingüística Comarca de la Sidra, tán acabantes d'espublizar y comunicanos a les y los ganadores del concursu "Les Cuatro Estaciones"

Otra vuelta, el prósimu vienres 21 d'avoentu L'Anguleru, bien acompañáu de los sos ayudantes, los llendadores de ríu, y como novedá, esti añu van incorporase a la comitiva los ocleros de Tazones, van tar de visita nes nuestres escueles pa recoyer les cartes, recordatoriu del wuasap y repartir a les escolines y escolinos paquetinos de garulla, gracies a la collaboración del Conceyu de Villaviciosa y sofitu del AMPA de Pion y l'AA.VV. de Tazones.

L'horariu, va ser más o menos el que vien darréu:

Tazones: 9:15 hores

Oles: 9:50 hores

Argüeru: 10:30 hores

Castiellu: 11:15 hores

Quintes: 12:00 hores

Pion: 13:05 hores

Pion-Bárcena: 13:35 hores

Esti añu podeis ponevos en contactu con él nel wuasap:

Y si non equí vos dexamos la carta pa si quereis imprimila (Calca na imaxe pa descargala).

Los Ocleros de Tazones esperen otra vuelta, esti añu con munches ganes al Anguleru pa poder cumplir col so llabor qu'entamaron hai dos años: recibir y ayudar al Anguleru nel pueblu maliayu de Tazones, pa repartir ilusión ente les ñeñes y ñeños locales. Esti añu amás, tán acabantes de confirmar la presencia na xira que L'Anguleru y los llendadores van facer pol C.R.A. La Marina el prósimu vienres 21 d'avientu.
Esti colectivu d'homes y muyeres que se dediquen o dedicaben a la recoyida del ocle, van vistíos con traxes d'agua, guantes, gorros de llana y amazcaraos con barbes, con botes o zapatos d'agua y la ferramienta tradicional na recoyida d'olce, amás faroles pa poder allumar les caleyes de Tazones pela nueche.
Nun se-yos escaez los sos antepasaos, yá que foi una xera que desenvolvieron les muyeres, que d'aquella yeren les que s'encargaben de recoyer la ocla na sablera de Tazones, demientres los sos homes se facíen a la mar y poro, cada salida nun dexa de ser un homenaxe a elles, que foron fundameneales na economía local y doméstica de les cases y llares d'esti puertu mariñán.
Dende hai dos años, reciben al Anguleru na sablera de Tazones, pa depués dir camín de la rula onde reciben a les y los vecinos, repartiendo paquetes de garulla ente los más pequeñinos. Depués, al alborecer, los olceros reparten los regalos que los ñeños y ñeñes-y pidieron al Anguleru, quien ta peragradecíu del llabor d'esti colectivu.

LOS OCLEROS Y L'OLE

L'ocle, ocla tamién ye una planta marina que forma grandes praderíos con yerbazales nel fondu marín. Maurez a finales de branu y coles primeres marees fuertes de fondu esprendese pa llegar al debalu de les corrientes a les sableres y quedase varada nos sables cola baxamar, dacuando ye tala la cantidá que paez una alfonmbra qu'esparde un arume y fuerte golor a yodo y mar.

Semeya: LNE Irma Collín

Les persones dedicaes a recoyelo, los ocleros empiecen a recoyelo nel mes de setiembre, durante los meses de la seronda ya iviernu. Antaño, nel pueblu de Tazones yera llabor que facíen les muyeres yá que los homes salíen a la mar y yera una manera de ganar un ingresu estra, mui necesariu pa les families mariñanes, munches vegaes, necesitaes poles condiciones de la mar (nortiaes y temporales que facíen perdifícil salir a pescar). 

Semeya El Comercio

Anguaño, ye un sector en puxu, puesto que xenera munchu emplegu, sobre too en zones castigaes pol paru o pol abandonu del sector pesqueru y pa recoyelo úsase maquinaria agrícola especializada y camiones.

Semeya: Bernardo Busto

En recoyéndo l'ocle de les sableres, hai que secalu, cola ayuda del aire que ye causi tan importante como que nun llueva, y en secándolo, viéndese a les empreses que lo utilicen pa estrayer agar-agar y facer una xelatina que tien numberoses utilidaes na ellaboración de cosmética, en medicina, en productos de alimentación y dietética y agora tamién ta de moda nos na cocina d'autor.

Equí vos dexamos a Los Ocleros a vista de les ñeñes y ñeños de la Escuela de Tazones:

Queremos presentavos el programa del festival d'artes escéniques pa la reciella. Teatru, cuentacuentos, música...y dalguna sorpresina más.

Va poder vese esti mes d'avientu nel Centru de Cultura Antiguu Institutu. Pa nun perdéselo.

Más info:

Reciella (families pol asturianu)

El términu Pola, en toponimia refierse, a pueblu. N'Asturies, tenemos cinco "Poles", una "Polina" y una "Puela". Vamos dir viéndoles:

Vamos a buscar einformación n'iternet sobre la caricatura pa responder a estes entrugues:

¿Qué ye la carticatura y cuáles son les sos característicques?

¿Onde ñaz esi estilu y quien foi'l primeru que les fizo?

Comenta-y en grupu los diferentes tipos de caricatures qu'hai.

Siguiendo los pasos del llibru de testu Tolina 6 (Editorial VTP) vamos a facer una carticatura gráfica na llibreta.

Si quies falar con él, el prósimu domingu 2 d'avientu va facer una video conferencia dende l'Acuariu de Xixón. La entrada ye de badre hasta completar l'aforu.

Además, otra vuelta más dende'l CRA La Marina, vamos participar nel 6u. Concursu de Dibuxu y Pintura de L'Anguleru. Equí vos dexamos les bases. ¡Suerte asgaya pa toes y toos!

Tuvimos trabayando en clas les races autóctones asturianes: oveya xalda, cabra bermeya, vaca roxa y vaca casina, mastín asturianu, l'asturcón, pita pinta y gochu asturcelta y esti ye'l resultáu:

Los escolinos y escolines de llingua asturiana del C.R.A. La Marina vamos participar otra vuelta, nel concursu escolar de calendarios 2018 qu'añalmente entama el Serviciu de Normalización Llingüística de la Macomunidá Comarca de la Sidra. Equí vos dexmos les bases.

Más info:

Dende l'Axenda Escolar Didáctica qu'añalmente convoquen la Conseyería d'Educación y Cultura, tenemos el gustu de presentavos nel C.R.A. La Marina a POP PIQUIÑÍN.

Siente los cantares de Petit Pop n'asturianu el prósimu xueves 11 d'ochobre, nel Teatru Riera de Villaviciosa.

Pop Piquiñín ye Petit Pop n'asturianu, grupu formáu nel añu 2010. Los sos componentes son Mar Álvarez, Lara González, Cova de Silva y Pedro Vigil, músicos d´un percorríu llargu dientro de la escena musical asturiana, miembros de bandes como Pauline en La Playa, Nosoträsh, Undershakers, Edwin Moses o Penélope Trip, ente otres.

Con esti proyecytu quieren embarcar a los escolinos y escolines nun viaxe per otros soníos y esperiencies, cola música pop como base y amás usando la llingua asturiana, versioneando les orixinales del castellanu de Petit Pop.

Equí teneis la llista de reproducción que nos ufierten dende la so canal de you tu be (calca na imaxe)

Y tamién vos dexamos munchos de los cantares de Pop Piquiñín en versión karaoke que se nos ufieten dende la canal de you tube de A la gueta de los suaños (Calca na imaxe)