Videoconferencia L'Anguleru y 6u. Concursu de Dibuxu y Pintura

Un añu más L'Anguleru va ponese en contactu con toles neñes y neños d'Asturies pa tomar nota de los regalos de Navidá....¡bieeeennnnnnnn!.

Si quies falar con él, el prósimu domingu 2 d'avientu va facer una video conferencia dende l'Acuariu de Xixón. La entrada ye de badre hasta completar l'aforu.

Además, otra vuelta más dende'l CRA La Marina, vamos participar nel 6u. Concursu de Dibuxu y Pintura de L'Anguleru. Equí vos dexamos les bases. ¡Suerte asgaya pa toes y toos!

BASES DEL CONCURSU

1- Van poder participar tolos escolares que cursen les etapas d'Infantil y Primaria.
2- La temática versará al rodiu'l personaxe de L’Anguleru y el mediu ambiente, un pescador asturianu que trai regalos a les niñes y niños la nueche del 24 al 25 d'aviente.
3- Van poder participar utilizando tou tipu de técniques de pintura: ceres, acuareles, rotuladores, llápices, témperes… etc.
4- Les obres van poder presentase al traviés de tres víes:

• Entrega en mano nel Acuariu de Xixón o al traviés de carta: Les obres se presentarán en papel en formatu A4 y nun van poder llevar nengún añedíu que sobresalga o se depliegue (boles, fueyes, cachinos d'otru material, etc.) La dirección ye Acuariu de Xixón (Pal concursu del Anguleru) – Playa de Poniente s/n – Xixón 33212
• Per corréu ellectrónicu. Fadráse una semeya o escaneáu en papel foramtu A4 que nun va poder llevar nengún añedíu que sobreslaga del foliu. L'archivu univaráse a la direición: buzon@languleru.com. Si se fai una semeya del dibuxu tien que tener bona calidá y tar enfocada.
• Con un mensaxe priváu al facebook de L’Anguleru en Facebook de L'Anguleru

5- Se establecen cinco categorías:

• Primer ciclu d'Infantil (0-3 años)
• Segundu ciclu d'Infantil (3-6 años)
• 1u. y 2u. de Primaria
• 3u. y 4u. de Primaria
• 5u. y 6u, de Primaria

Van entregase tres premios por categoría:

Primer premio: Diploma, regalu de L’Anguleru, la garulla (revoltixu de llambionaes) y pase añal familiar pa 4 persones al Acuariu de Xixón.
Segundu premiu: Diploma, garulla (revoltixu de llambionaes) y entrada pal Acuariu.
Tercer premio: Diploma, garulla (revoltixu de llambionaes) y entrada pal Acuariu.

6- Les obres s'entregarán col nome y apellíos, edá, cursu académicu y llugar y na parte trasera un númberu de teléfonu de contactu. Nel casu de ser unviaes per corréu ellectrónicu, el númberu de teléfonu  pondráse nel email.
7- El plazu de recepción de les obres acaba'l 31 d'avientu y los ganadores daránse a concoer el 7 de xineru na web languleru.com
8- El xuráu ta compuestu por xente de l'Asociación Garabuxada y l'Acuariu de Xixón.
9- Toles obres van pasar ser propiedá de los entamadores del eventu, que van poder facer usu de les memes como-yos preste oportuno.
10- La participación nel concursu supón l'aceptación d'estas bases..

Más info:

Facebook l'Anguleru
languleru.com
L'Anguleru
Acuariu de Xixón
Asociación Garabuxada