Son unos seres mitolóxicos asturianos, que viven nel mar y tamién se-yos pue ver pelos cantiles ya isllotes asturianos. Dícen que tán emparentaes coles Xanes y que tamién puen vivir nes agues de los ríos, llagos, pozos y fontes del interior d'Asturies, anque lo normal ye veles averaes al mar.
La Serena ye de la metá del cuerpu p'arriba muyer, perguapa y menudina y de la metá p'abaxo pexe, cola forma carauterística que alcotramos en munches ilustraciones y dibuxos (Anque esa ye la imaxe más espardía, nes representaciones más vieyes y antigües apaecen con cabeza de muyer y cuerpu y pates de páxaru).
Cuenten les lleendes que La Serena apaez siempre acompañada d'un arpa cantando y que los marineros la sentir el cantu melgueru de la serena, enlloquecen encandilaos poles melodíes d'estos seres,
“A la oriella la mar
oyí cantar la Serena
¡válame Dios que bien canta
una cosa tan pequeña!”
Según dalgunos los lleven pa siempre pa con elles, despaeciendo y nun dexando nin rastru y según otra xente, provocándo-yos munchu sueñu, lo que fai que la tripulación apigace y naufragaren nes costes asturianes.
Poro, recuéyese de la tradición oral asturiana unes palabres, que los pescadores teníen el vezu de rezar, enantes de dir a la mar:
“Dios nos llibre de la truena
ya d´oír cantar a la serena”
