martes, 14 de mayo de 2019

mayo 14, 2019

#yoapúntome a llingua asturiana #euapúntome a gallego-asturiano (Crusu 2019/2020)

Otru añu más, entama la Conseyería d'educación la campaña de matriculación #YOAPÚNTOME en Llingua Asturiana y Lliteratura y #EUAPÚNTOME en gallego-asturiano pal cursu qu'entra.

Más info:

viernes, 3 de mayo de 2019

mayo 03, 2019

XL Selmana de les Lletres Asturienes Villaviciosa 2019

Güiei, pa festexar el Día de les Lletres Asturianes nel Conceyu de Villaviciosa, dientro de la XL Selmana de Les Lletres Asturianes y dende'l Serviciu de Noramalización Llingüística Comarca de la Sidra fáinos el tradicional repartu de lletres de pan Asturianes pa tol CRA La Marina. Peragradecíos y dende equí que vos presten les lletres asturianes.

Equí vos dexo'l programa col restu d'actos qu´hai programaos nel Conceyu Villaviciosa pa la selmana qu'entra:
Más info:

jueves, 28 de marzo de 2019

marzo 28, 2019

Trabayando nel, na nos y nes

Estes son les contacciones o xuntura de palabres que correspuende al artículu (el, la, los y les) y la preposición en 

Completa esti cuadru na llibreta:

jueves, 21 de marzo de 2019

marzo 21, 2019

N'asturianu #lleerpresta cursu 2018-2019

Camudamos de cursu y tamién les llectures n'asturianu van venir cargaes de numberoses sorpreses. ¡Tai sollertes!.
Otra vegada vais poder sacar llibros de la biblioteca del C.R.A. La Marina, de la Biblioteca Itinerante Ruta 33, d'otres biblioteques o tamién llibros que tengáis por casa. ¡Van valir toos y cuantos más meyor!. Eso si, alcordáivos que la llectura siempre va ser VOLUNTARIA, non obligaria. Asina que a viaxar colos llibros n'asturianu.

miércoles, 20 de marzo de 2019

marzo 20, 2019

Entra LA PRIMAVERA y con ella les flores


LA PRIMAVERA,  ye una de los cuatro estaciones de les zones templaes del planeta Tierra, sigue al iviernu y preciede al branu. Astronómicamente, esta estación empieza col equinocciu de primavera (ente'l 20 marzu y el 21 de xunu nel hemisferiu norte, y ente'l 21 y el 23 de setiembre nel hemisferiu sur), y termina col solsticiu de branu (alredor del 21 de xunu nel hemisferiu norte y el 21 d'avientu nel hemisferiu sur). Na zona intertropical del hemisferiu norte empieza'l 21 de marzu hasta'l 23 de setiembre. Na zona intertropical del hemisferiu sur va dende'l 23 de setiembre al 21 de marzu.
La primavera tamién puede referir a les idees de la renacencia, el remocicamientu, la renovación, la resurrección y la nueva crecedera. Na lliteratura, la primavera representa la mocedá, dómina o fase la vida d'una persona na que se diz que ta na flor de la vida" yá que na primavera florien les plantes, hai munchos páxaros, relluma más el sol, los díes son más llargos.


viernes, 15 de marzo de 2019

marzo 15, 2019

Concursu escolar MIL PALLABRES PRESTOSES 2019

Otra vuelta vamos participar nesti concursín tan prestosu que convoquen dende la Mancomunidá Comarca de la Sidra, al traviés del so Serviciu de Normalización llingüística: la tercer edición del concursu escolar MIL PALLABRES PRESTOSES, empobináu a escolinos/es de les escueles asitiaes nos conceyos qu’integren la Comarca. 

Éstes son les bases del concursu

1. Puen participar tolos neños/es qu’asina lo quieran, siempre que tean matriculaos en cualquiera de los centros escolares d’educación primaria de la Comarca de la Sidra. 

2. El concursu tendrá trés categoríes: 
* Categoría A: 1er y 2u cursu de primaria.
* Categoría B: 3er y 4u cursu de primaria. 
* Categoría C: 5u y 6u cursu de primaria. 

3. Premios. Habrá un primer premiu y un accésit per caúna de les categoríes. Los premios consistirán en lotes de llibros, cedés, deuvedés y material didácticu y cultural rellacionáu cola llingua asturiana.

4. Los trabayos presentaránse en formatu DIN-A4 apaisáu y nellos ha apaecer una pallabra asturiana bien llexible en xunto col dibuxu que la representa. 

5. Pela parte d’atrás del dibuxu, figurará el nome y apellíos del participante, centru escolar y cursu. La organización garantizará l’anonimatu de los participantes de cara al xuráu. 

6. Cada participante va poder unviar tantos trabayos como-y preste. 

7. Los trabayos unviaránse al Serviciu de Normalización Lingüística de Man.co.si (Paraes nº47 33529 Nava – Asturies) enantes del xueves 24 d’abril de 2019. 

8. El xuráu, que tendrá como secretariu al responsable del Serviciu de Normalización Llingüística de la Comarca de la Sidra, compondránlu persones cualificaes na materia, y emitirá’l so fallu enantes del martes 30 d’abril de 2019. El so fallu va ser inapelable. Amás del dibuxu, valoraráse la orixinalidá de la pallabra escoyida y la llexibilidá y guapura de les lletres. 

9. Una esbilla de los trabayos participantes espondráse en biblioteques, cases de cultura y edificios públicos de la Comarca de la Sidra mientres la Selmana de les Lletres Asturianes y esparderáse peles redes sociales al traviés del facebook Serviciu de Normalización Llingüística de la Comarca de la Sidra. El restu de trabayos podrán esponese igualmente pelos centros educativos y culturales de los distintos conceyos. 

10. La participación nel concursu supón l’aceptación de les presentes bases.

Más info:

viernes, 22 de febrero de 2019

febrero 22, 2019

XUGANDO AL TRIÁNGULU colos BANZONES (caniques)


Vamos a deprender a xugar colos boliches (caniques) al triángulu. 

Estes son les regles:
Pa empezar hai que pintar un campu cuadráu pa poder xugar con una tiza, y pintamos en metanes un triángulu.
Una vuelta puestes les caniques, agora toca midise, ye dicir, ver como van ser los turnos pa tirar. Les y los xugadores tienen que tirar a ver quien arrima más el so banzón a la llínia de fondu y ensin salise del campu. Van tener orden de salida de más cerca a menos cerca.
Depués, cada xugadora o xugador, tien que poner un o dos boliches en triángulu, en función de lo que les y los mesmes decidan, y el xuegu va consistir en intentar sacar le caniques del triángulu pasando a ser propiedá de quien les sacque pero ensin quedar dientro, porque quedarás elimináu tola partía.
La primer tirada va ser dende la llínia de saque y depués tirarase dende onde vayas quedando, asina hasta que yá nun queden banzones que sacar del triángulu pa entamar otra partía nueva. Si sales fuera del campu, tires dende la llinia de saque, cuando te toque.

Hai que tener en cuenta que les y los xugadores van poder tamién tirar a otru xugador envede a les caniques del triángulu, y si-y diera, ésta o ésti va quedar eliminánu tamién.
¡Qué vos preste escolines y escolinos!



martes, 19 de febrero de 2019

febrero 19, 2019

Actividaes del Seviciu de Normalización Llingüística Comarca de la Sidra: DÍA INTERNACIONAL DE LA LLINGUA MATERNA

Actos del conceyu maliayu, al traviés del Serviciu de Normalización Llingüçistica Comarca de la Sidra  y El Ronchel pa CELLEBRAR el DÍA INTERNACIONAL DE LA LLINGUA MATERNA el prósimu xueves 21 de febreru a les 18:30 hores.

Más info:

lunes, 11 de febrero de 2019

febrero 11, 2019

LES PRENDES DE VISTIR

Dende la Rede de Normalización Llingüística nos Conceyos ficiéron estes"mariquites" que nos valen pa deprender xugando, les prendes de vistir. ¡Cómo presta!

Baxar ficha

lunes, 28 de enero de 2019

enero 28, 2019

Embaxadores del ANGULERU 2019 y entrega de premios VI CONCURSU DE PINTURA L'Anguleru: 2 escolines premiaes nel CRA La Marina...¡NORABONA!

Como vien siendo un prestosu vezu n'Asturies, ayeri, el caberu domingu del mes de xineru, nel Acuariu de Xixón celebróse la gala EMBAXADORES DEL ANGULERU y diéronse los premios del VI Concusrsu de Pintura qu'añalmente entamen l'Asociación Garabuxada. 

El CRA La Marina, vuelve a ser EMBAXADOR DEL ANGULERU 2019, por llevar la maxa d'esti popular personaxe navidiegu a les sos ecueles y aules. Amás, esti añu volvemos a tar de norabona porque algamamos 2 premios por participar nel VI Concursu de Pintura, nel que pa esta vuelta participaron al roidu de 2000 ñeños y ñeñes de toa Asturies. Los dibuxos premiaos son:
Nora Molina (Tercer Premiu 11 años)
Nadaya (Primer Premiu, 6 años)

lunes, 21 de enero de 2019

enero 21, 2019

LOS DEMOSTRATIVOS

Los demostrativos empléguense pa señalar o amosar la rellación cercana o alloñada que se tien d'un oxetu, animal o persona. Presenten les formes que siguen darréu:
Vamos completar esti cuador na llibreta:
Torna al asturianu y soraya'l demostrativu:
1. Esta casa es muy grande.
2. Aquellos perros estaban ladrando a esas personas.
3. Esa casa está a lado del supermecado y aquellas más lejos.
4. Las niñas y niños de esta escuelas son juegan al baloncesto.
5. Compré todas esas golosinas en la tienda del pueblo.
6. Estos libros son más caros que esos otros.
7. Tengo ese juguete que no funciona.
8. Aquellas ranas no me dejaron dormir en toda la noche.
9. Estas maletas son nuestras y aquellas otras no lo sabemos.
10. Esta libreta y esa otra están en el suelo tiradas.

jueves, 17 de enero de 2019

enero 17, 2019

LE PARSTES DEL MIO CUERPU (per fuera)

Los escolinos de primeru tuvieron trabayando dalgunes partes del cuerpu y ficieron esta llabor: píntate nun dibuxu y pon les partes del cuerpu que deprendisti na clase de llingua asturiana. 

Esti ye'l resultáu...¡qué guapo!