Queda poco pa que L'Anguleru aporte p'Asturies. Pero enantes de ponese en marcha, va facer una videoconferencia con toles neñes y neños d'Asturies que quieran dir a falar con él.

¿Ónde y cuándo?

Va ser el prósimu domingu 4 d'avientu a les 12:30 hores nel auditoriu del Acuariu de Xixón. ¡Entaina p'allá y nun quedes ensin  falar col Anguleru!

Y ta acabante de convocase'l IV Concursu de Pintura de L'Anguleru. Nos vamos a participar. ¿Y tú, anímeste?. Dende Llingua nel Aula Mariñana queremos desavos muncha suerte. Equí vos dexamos les bases:

1. Van poder participar tolos escoalres d'Infantil, Primaria y Secundaria.
2. La temática va tener que ser al rodiu'l personaxe L'Anguleru, pescador asturianu que trai regalos a les neñes y neños la nueche del 24 al 25 d'ochobre.
3. Van poder participar utilizando tou tipu de técniques de pintura: ceres, acuareles, rotuladores, llápices, témperes, etc....
4. Les obres van presentase al traviés de tres víes:

• Dándolo nel Acuariu de Xixón o al traviés de carta. Les obres presentaránse nuna fueya en formatu A 4 y nun van poder llevar nengún añadíu que sobresalga o se puea desplegar: boles, fueyes, cachines d'otru material, etc....). La dirección ye: Acuariu de Xixón (pal concursu de L'Anguleru) - Sablera de Poniente s/n, Xixón/Gijón 33212 

• Al traviés del corréu ellectrónicu. Fadráse una semeya o escanearáse'l papel de foramtu A4 que nun va poder llevar nengún añedíu que sobresalga de la fueya. L'archivu unviaráse a la dirección: buzon@languleru.com Si se fai una semeya del dibuxu tien que tener calidá y tar enfocada

• Mediante mensaxe priváu al Facebook l'Anguleru

5. Hai cuatro categoríes:

• Infantil 

• 1u, 2u y 3u de Primaria 

• 4u, 5u y 6u de Primaria 

• Secundaria. 

Van entergase dos premios por categoría:
Primer premiu: Diploma, regalu de L’Anguleru, la garulla (revoltixu) y una entrada pal Acuariu.
Segundo premiu: Diploma, garulla (revoltixu) y entrada pal Acuariu.
6. Les obres entregaránse con nome y apellíos, edá, cursu académicu y llugar y per detrás un númberu de teléfonu de contactu. Nel casu de ser uviáos per corréu ellectrónciu, el númberu de teléfonu incluiráse nel corréu.
7. El plazu de presentación finará'l 23 d'avientu y los ganadores van dase a conocer el 1 de xineru na web: languleru.com
8. El xuráu va tar compuestu por miembros de l'Asociación Garabuxada y l'Acuariu de Xixón.
9. Toles obres van pasar a ser propiedá de la organización que van poder facer usu de les mesmes como ellos quieran.
10. La participación nel concursu supón l'acpetación d'estes bases.

Más info:

Facebook l'Anguleru

languleru.com. 

L'Anguleru

Acuariu de Xixón.

Esta lletra ye la che vaqueira y escríbese asina:

Nel ordenador escríbese asina:

Anque afortunadamente, ya esisten fontes (arial astur, courier astur, etc...) onde podemos asitiar nun procesador de testu esta lletra tal cual ye.

Esti blog en munchos llugares d'Asturies llamaríase:

La so pronunciacíón ye paecío a una "ch" (hai qu'apegar la llingua al cielu la boca) pa diferenciala d'otres lletres y soníos que se dan n'asturies: ch, y, etc.... Vamos practicalo

¿Ónde se fala cola che?

Esti mapa amuesa los conceyos assturianos onde se fala con "che":

Vamos facelo primero nel llibru Tolina 5 (VTP Ediciones) y depués nesti puzzle de los Conceyos d'Asturies:

LOS VAQUEIROS/VAQUEROS D'ALZADA

Los vaqueiros d'alzada son la xente asturiano que viven de la ganadería, faciendo una treshumancia estacional. Nel mes de mayu, la familia vaqueira dexa'l pueblu d'iviernu y desplázase xunta'l so ganáu, a les brañes y cabanes de branu, onde'l ganáu pastia polos puertos hata'l mes d'ochobre (dependiendo del tiempu) pa depués volver a tornar a los pueblos d'iviernu, na parte fondera de los val.les asturiano.

Los vaqueiros d'alzada emparéyense ente ellos, desarrollando una cultura y un folklor mui axeitáu y curiosu, d'orixenes ancestrales y tresmitíu ente xeneraciones, que llega anguaño a los nuestros díes práuticamente inalteraáu.

Dos documentos visuales al rodiu la cultura vaqueira asturiana:

Una visita:

Muséu vaquieru d'Asturies

Más info:

Aosiciación Cultural Vaqueiros d'Alzada

Un artículu perinteresante:

Cultures marxinales: los vaqueiros d'Alzada

Esta ye la "señorita" xe, si "señorita" non señorina. Présta-y más que la llamen "señorita". Ye perimportante nel alfabetu asturianu. Présta-y muncho amazcarase con ropa vieyo pa fextexar l'antroxu.

Al empar que deprendemos o repasamos el nome o sustantivu, vamos tamién a facer un mapa conceputal o cadarma pa organizar o representar el concomiemientu y que nos resulte más afayadizo y fácil l'estudiu y la comprensión. 

Esiste programes asgaya na rede pa facelos. Nós vamos a utilizar (calca na imaxe pa entrar nel programa y rexístrate col corréu ellectrónicu pa poder usalos: 

Mapa conceputal fechu por Alba Lafuente Roza y Patricia Vega Castro

    

Vamos a sentir un cantar nuevu del grupu Xentiquina: el pirata:

ESTA YE LA HESTORIA

D'UN VIEYU PIRATA

AMU DE LOS MARES

BRAVU CAPITÁN,

QU'UN DÍA LA NORTIADA

LLANZÓLU A LA PLAYA

Y DEXÓ'L SO BARCU

BAXO LA MAR

Y NEL CAI DEL PUERTU

EL VIEYU PIRATA

CUENTA A LOS RAPAZOS

COSES DE LA MAR

FÁLA-YOS DE GUERRES

FÁLA-YOS D'AYALGUES,

Y DIZ QUE Y FÁCIÑ

VELU LLORAR.

Estos son los piratas del CRA La Marina: