Dende'l Serviciu de Normalización Llingüística Comarca de la Sidra, tán acabantes de convocar un TALLER D'ASTURIANU (nivel avanzáu) nel Atenéu Obreru de Villaviciosa, tolos martes, de 18:00 a 20:30, ente'l 2 d'ochobre y el 18 d'avientu, faciendo un total de 30 hores.
Hai de plazu p'apuntase hasta'l 2 d'ochobre unviando los vuestros datos a los correos electrónicos normastur@lacomarcadelasidra.com o secretaria@ateneovillaviciosa.es. Tamién podéis facelo nel teléfonu 985890275.
Más info:
¡Abrimos plazu p'apuntase a un nuevu taller d'asturianu avanzáu!
Va ser nes instalaciones del Atenéu Obreru de Villaviciosa
Enfocáu dende una perspectiva práctica y coaprendizaxe, el taller va empobináu a persones que tengan yá un conocimientu previu básicu de la llingua asturiana y quieran afondar nel so usu, enanchando vocabulariu, repasando la so ortografía y conociendo les sos distintes variantes y la so evolución hestórica y social, asina como la so proyección artística y cultural.
¿Nun ye bon plan pa esta seronda?
