Los axetivos tienes tres variaciones de xéneru: masculín, femenín y NEUTRU.
El neutru úsase na llingua asturiana pa estremar los nomes cuntables de los non cuntables, de tal manera que na fala oral vas sentir estes espresiones:
carne guisao (non carne guisada)
sidra rico (non sidra rica)
ropa tendio (non ropa tendida)
yerba curao (non yerba curada)
vinu blanco (non vinu blancu)
agua frío (non agua fría)
etc...
¿Por qué?
Pa poder entendelo bien, vamos repasar primero EL NOME o sustantivu ¿alcordáisvos d'él?
Exerciciu:
Analiza morfolóxicamente estos sustantivos: llibru maestru, gata, fumju, Xixón, coches, farina, fueyes, Deva, miel y escolinos.
Darréu, vamos siguir col AXETIVU. Al igual que ficimos col nome, vamos entrar nel bubbl.us y facer l'esquema del axetivu pa imprimilu y apegalu na llibreta.
Los axetivos tienes xéneru masculín, femenín y neutru. Fain el xéneru neutru colos nomes non cuntables. Yá sabemos que los nomes puen ser cuntables como por exemplu: llibreta (podemos dicir una llibreta, dos llibretes, tres llibretes,....) pero por embargu háilos que son non cuntables como farina (nun podemos dicir una farina, dos farines, tres farines,...).
Tamién sabemos que tien que haber una concordancia de xéneru y númberu ente los nomes y axetivos, de tal manera que dicimos:
El gatu malu
La escolina estudiosa
Nel casu de que los nomes seyan NON CUNTABLES, entós vamos a utilizar los axetivos en xéneru neutru, ye dicir:
El fumu prieto
La lleche fervío
El miel caro
¿Entendisti agora por qué Obelix cuando fala diz carne guisao y non carne guisada? Esto na llingua castellana nun pasa.
Exerciciu:
Pon-yos axetivos afayadizos a estos nomes y analíza morfolóxicamente los axetivos que punxisti: llibru, maestru, gata, fumu, Xixón, coches, fueyes, farina, Deva, miel, escolinos, borrina, sidra, y ropa
