El neutru úsase na llingua asturiana pa estremar los nomes cuntables de los non cuntables, de tal manera que na fala oral vas sentir estes espresiones:
carne guisao
sidra rico
ropa tendio
yerba curao
agua frío
etc...
Y non CARNE GUISADA, SIDRA RICA, ROPA TENDIDA, YERBA CURADA, AGUA FRÍA...Pa deprendelo vamos repasar primero EL NOME o sustantivu:
Exerciciu:
Analiza morfolóxicamente estos suntantivos:
llibru, maestru, gata, fumu, Xixón, coches, farina, fueyes, Deva, miel, y escolinos.
Agora vamos ver L'AXETIVU:
Los axetivos tienes xéneru masculín, femenín y neutru. Fain el xéneru neutru colos nomes non cuntables. Yá sabemos que los nomes puen ser cuntables como por exemplu: llibreta (podemos dicir una llibreta, dos llibretes, tres llibretes,....) pero por embargu háilos que son non cuntables como farina (nun podemos dicir una farina, dos farines, tres farines,...).
Tamién sabemos que tien que haber una concordancia de xéneru y númberu ente los nomes y axetivos, de tal manera que dicimos:
El gatu malu / La escolina estudiosa
Nel casu de que los nomes seyan NON CUNTABLES, entós vamos a utilizar los axetivos en xéneru neutru, ye dicir:
El fumu prieto / La lleche fervío / El miel caro
¿Entendisti agora por qué Obelix cuando fala diz carne guisao y non carne guisada? Esto na llingua castellana nun pasa.
Agora vamos facer unes xeres:
Pon-yos axetivos afayadizos a estos nomes:
llibru, maestru, gata, fumu, Xixón, coches, fueyes, farina, Deva, miel, escolinos, borrina, sidra, y ropa
Agora analíza morfolóxicamente los axetivos que punxisti.
En finando, vamos entrar nel bubbl.us y facer l'esquema del axetivu pa imprimilu y apegalu na llibreta.
